அம்மா அப்பாவிற்குப் பிறந்தவன்

அம்மா அப்பாவிற்குப் பிறந்தவன்
----------------------------------------------------
பசிக்கான உன் உணவை
இனி நான் சமைக்க மாட்டேன்

வளர்ந்துவிட்ட உன் முடியை
இனி நான் வெட்ட மாட்டேன்

அழுக்கான உன் உடையை
இனி நான் வெளுக்க மாட்டேன்

கிழிந்துபோன உன் செருப்பை
இனி நான் தைக்க மாட்டேன்

நாறுகின்ற உன் மலத்தை
இனி நான் அள்ள மாட்டேன்

உன் வீட்டு சாக்கடைக்குள்
இனி நான் இறங்க மாட்டேன்

உன் வீட்டு சாவுக்கு
இனி நான் பறையடிக்க மாட்டேன்

நீ சூத்திரன்
காலில் இருந்து பிறந்தவன்
பார்ப்பானின் வைப்பாட்டி மகன்,
ஆனால் நானோ என் அம்மா அப்பாவிற்குப் பிறந்தவன்

க.ம.மணிவண்ணன்