நீட் - அக்காவும் இரு தங்கைகளும்

கண்களே
கண்ணீரைச் சேமித்தே வைத்திருங்கள்

அனிதா பிரதீபாவோடு
முடிந்துவிடப்போவதில்லை போலிருக்கிறது
நீங்கள் சிந்தும் கண்ணீர்.

----------------------------------------------------------------------------------------------------------------------------

நீட்

அனிதா
பிரதீபா
சுபஸ்ரீ

-----------------------------------------------------------------------------------------------------------

அக்காவும் இரு தங்கைகளும்
----------------------------------------------
அக்கா
நாங்கள் உன் தங்கைகள்

நீங்கள் என் தங்கைககளா !?

ஆமாம்

நீ எங்கள் அக்கா
நாங்கள் உன் தங்கைகள்

எதற்காக இங்கு வந்தீர் ?

நீ எதற்காக எப்படி இங்கு வந்தாயோ
அதற்காக அப்படியே நாங்களும் வந்தோம்

சொன்னால் புரியாதென்று
சொல்லாமல் சொல்லிவிட்டு வந்தேனே
நானே கடைசியாக இருக்கட்டுமென்று
மாறவே இல்லையா இன்னும் ?

மாறவில்லை
மாற்றவில்லை எதையும்
சமூகநீதி கொன்ற கொலைகாரர்கள்

மக்கள் ?

சிலநாட்கள் போராடினார்கள் நீ சென்ற பிறகு

வசதி படைத்தவர்களுக்கு
போராட்டம் தேவையற்றதாகிவிட்டது

வசதியற்றவர்களுக்கு
வாழ்வதே போராட்டமாகிவிட்டது

அழாதே அக்கா

நாங்களும்
சொல்லாமல் சொல்லிவிட்டே வந்திருக்கிறோம்

நாங்களே கடைசியாக இருக்கட்டுமென்று