கனவில் வந்த இயேசு

தொடரும் நீட் கொடுமைகள்
எப்போது முடியுமென சொல்லியிருக்கலாம்

காவிரியில் பாசன நீர்
எப்போது வருமென சொல்லியிருக்கலாம்

தூத்துக்குடி படுகொலைகள்
எப்போது தண்டனையென சொல்லியிருக்கலாம்

பொருளாதார பின்னடைவு
எப்போது சரியாகுமென சொல்லியிருக்கலாம்

வீழ்ந்துவரும் வேலைவாய்ப்பு
எப்போது பெருகுமென சொல்லியிருக்கலாம்

நலிந்து வரும் சிறுவணிகம்
எப்போது நிமிருமென சொல்லியிருக்கலாம்

பெட்ரோல் டீசல் விலை
எப்போது குறையுமென சொல்லியிருக்கலாம்

எதையுமே சொல்லாமல்
மீண்டும் பிரதமராவார் மோடியென சொல்லிவிட்டு
விண்ணுலகம் சென்றார் தேவமைந்தன்

மோடியின் சவாலை ஏற்று
உடல் தகுதி காணொளி வெளியிட
ஆர்வமாய் இருக்கிறாராம் உலக இரட்சகர்

ஆமென்