துளிப்பாக்கள்

நேரமே சரியில்லை என்கிறான் நண்பன்
ஆமாம்
உனது கைக்கடிகாரம்
பத்துநிமிடம் தாமதமென்கிறேன் நான்

நீதான் சரியான நேரத்திற்கு
எங்குமே செல்வதில்லையே
உனக்கெதற்கு கைக்கடிகாரம் என்கிறாய்
எவ்வளவு நேரம் தாமதமென்பதை
தெரிந்துகொள்ளத்தான் என்கிறேன் நான்

ஓடாவிட்டாலும்
ஒருநாளைக்கு இருமுறை
சரியான நேரத்தை காட்டிவிடுகிறது
கடிகாரம்

யாருமே கவனிக்கவில்லையென்றாலும்
ஓடிக்கொண்டேதானிருக்கிறது
விநாடிமுள்

நல்ல நேரத்தையோ
கெட்ட நேரத்தையோ
ஒருபோதும் காட்டுவதில்லை
எந்த கடிகாரமும்