வெளிநாட்டு வாழ்க்கை

பத்து ஆண்டு வெளிநாட்டில் இருந்து விட்டு
ஊருக்கு வந்து விட்டவனைப் பார்த்து
சொல்லி வைத்தாற்போல் 
எல்லோரும் கேட்கிறார்கள்
ஏன் வந்துட்டிங்க
திரும்ப போகலையா என்று
எல்லோரையும் விட்டுவிட்டு
நீங்களும்
இரண்டு ஆண்டுகள் போய்
வெளிநாட்டில் இருந்தால் தெரியும்
ஏன் நாங்கள் ஊருக்கே வந்து விட்டோமென்று.

ஊருக்கு வந்து
என்ன செய்வது என்று
முடிவெடுக்க முடியாத நிலையிலேயே
தொடர்கிறது வெளிநாட்டு வாழ்க்கை.

இரண்டு ஆண்டிற்கு ஒரு முறை
இரண்டு மாத விடுப்பில்
வெளிநாட்டிலிருந்து வருபவனை
எரிச்சலூட்டும் கேள்வி
திரும்ப எப்ப பயணம்?

வெளிநாடு போக
பணம் தந்து அனுப்பி வைப்பவர்கள்
உள்நாட்டிலேயே 
தொழில் செய்கிறேன் என்றால்
பணம் தருவதில்லை

திருத்து