கவிதைகள்

ஒரு கவிதை சொல்லென்றாய்
உன்பெயர் சொன்னேன்
மரபுக்கவிதை போதும்
புதுக்கவிதையும் ஹைக்கூவும் சொல்லென்றாய்
நம் மகள் பெயரையும் 
மகன் பெயரையும் சொன்னேன்

நான் எனது கேள்விகளை முடிக்கும்முன்பே
பதில் சொல்லி முடித்துவிடுகிறாய் நீ
அது எப்படி
நான் கேட்கப்போகும் கேள்வியையும்
அதற்கான பதிலையும்
முன்கூட்டியே யோசிக்க
உன்னால் மட்டும் முடிகிறது

பொய் எனக்கு பிடிக்காதென
நான் சொன்னது
நீ சொல்லக்கூடாது என்பதற்கானது
நான் சொல்லமாட்டேன் என்பதற்கானதல்ல

பேருந்துகளில்
ஆணின் அருகிலிருக்கும்
காலி இருக்கையில் 
எளிதில் அமர்ந்துவிடமுடிகிறது பெண்ணால்
ஆனால் 
எந்த ஒரு ஆணாலும்
அவ்வாறு அமர்ந்துவிடமுடிவதில்லை
பெண்ணின் அருகில்
அவளின் அனுமதியின்றி

திருத்து

திருத்து