இடஒதுக்கீடு உனக்கெதற்கு

இடஒதுக்கீடு உனக்கெதற்கு

மறுபடியும் மனிதஉயிர்களை
காவு வாங்கிவிட்டது
குஜராத்
அன்று மதத்தின் பெயரால்
இன்று சாதியின் பெயரால்

இடஒதுக்கீடே கூடாதென
போராடியவர்கள்தானே நீங்கள்
இப்போது மட்டுமென்ன
இடஒதுக்கீடு வேண்டிப் போராட்டம்

உயர்பதவிகளிலும் செல்வந்தர்களாகவும்
இருப்பவர்கள் நீங்கள்
உங்களுக்கு எதற்கு இடஒதுக்கீடு

இடஒதுக்கீடு கிடைத்துமென்ன
உயர்ந்தாவிட்டோம் உங்களைவிட

நீயும் நானும் இந்துதான் என்கிறாய்
பிறகு ஏன் என்மீது உனக்கு வெறுப்பு

உண்மையைச் சொல்
எதற்காக இந்தப் போராட்டம்
இடஒதுக்கீட்டையே ஒழிக்கவேண்டும்
என்பதற்காகத்தானே

உங்களுக்குக் கிடைக்கும்
வாய்ப்புகளும் வசதிகளும்
எங்களுக்கும் கிடைத்துவிட்டால்
ஒழித்துவிடலாம் இடஒதுக்கீட்டை

இருபத்திஇரண்டு வயது
இளைஞனின் பின்னால்
ஒரு சாதிக்கூட்டம்
இந்தியா வல்லரசு ஆகுமா
சுடுகாடு ஆகுமா