செவிக்கு உணவு

எப்படியோ கிடைத்துவிடுகிறது உணவு 
எல்லா வேளைகளிலும்.
வெண்டாமென்றாலும் யாரும் விடுவதாக இல்லை
செரிக்க முடியாமல் திணறினாலும் 
யாரும் கவலைப்படுவதாக இல்லை.
ஊட்டிவிடுவதில்தான் எல்லோருக்கும் விருப்பமே தவிர
உண்பதில் இல்லை.
எங்கு பார்த்தாலும் இறைந்து கிடக்கிறது உணவு
உண்பவர்கள் இல்லாமல்.
வழிஎங்கும் இறைத்துக் கொண்டே போகிறார்கள் உணவை,
உண்பவனைப்பற்றி சிறிதும் யோசிக்காமல்.
எப்படியோ, இப்படியாக
கிடைத்துவிடுகிறது உணவு செவிக்கு,
நாம் விரும்பினாலும் விரும்பாவிட்டாலும்.