துளிப்பாக்கள்

ஆங்கிலக் கலப்பின்றி
பேச முடியவில்லையே என
வருத்தப்படுகிறேன் நான்
ஆங்கிலத்தில் பேச முடியவில்லையே என
வருத்தப்படுகிறாய் நீ

தமிழில் பிழையுடன் எழுதுகிறாய்
ஏனென்று கேட்டால்
ஆங்கில வழியில் படித்தேன் என்கிறாய்
சரி ஆங்கிலத்திலேயே எழுதென்று சொன்னால்
அதையும் பிழையுடனேயே எழுதுகிறாயே ஏன்

பிள்ளைகளின் பெயர் கேட்கிறாய்
சொன்னதும்
தமிழென்றால் 
மிகவும் பிடிக்குமோவென்று
கிண்டலாகச் சிரிக்கிறாயே ஏன்

குட்மார்னிங் சொல்லும் 
அலுவலகத்தில் 
வணக்கமென்று நான் சொன்னால்
எல்லோரும் சிரிக்கிறார்களே ஏன்