கவிதைகள்

நான் கருப்பாயிருப்பதற்காக
கவலைப்படுபவர்கள்
அழகு சாதான தயாரிப்பாளர்கள் தான்
என்னையும்
சிவப்பாக்காமல் விட மாட்டார்கள்
போலிருக்கிறது

ரெம்பத்தான் திமிர்
இந்த காற்றுக்கு
எப்போதும் 
நான் தான் போய்
நிற்க வேண்டியிருக்கிறது
மொட்டை மாடியில் அதற்காக
ஒரு போதும் வந்ததில்லை
வீட்டிற்குள்
எனைப் பார்க்க

எனது எழுத்துக்கள்
என்னைப் போன்ற
சாமானியர்களுக்கானது
நல்ல வேளையாக
எந்த அறிவுஜீவியுமே
அதைப் படிப்பதில்லை

கலகலப்பாகப் பேசத் தெரியாத
நான் எழுதுவதையும் பேசி
பேச்சுப்போட்டிகளில்
வாங்கி விடுகிறார்கள்
ஏதோ ஒரு பரிசு