கவிதைகள்

மூடநம்பிக்கைத் தகவல்களை
நாள்தோறும் சொல்லி வருகிறது
நாள்காட்டி

தலித்தைப் பற்றி எழுதுகிறாயே
நீ என்ன தலித்தா என்கிறாய்
மனிதநேயம் எழுத
மனிதனாய் இருந்தால் மட்டும் போதாதா

என்னோடு வேலை பார்ப்பவர்கள்
எவரின் சாதியும்
எனக்குத் தெரியாதென்றால்
எதற்காக இப்படி
ஆச்சரியமாகப் பார்க்கிறாய்

போகும் பாதையிலுள்ள
எல்லாச் சாமிகளையும் 
கும்பிட்டுச் செல்வது வாடிக்கையாகிவிட்டது
ஒன்றை கும்பிட்டுவிட்டு
மற்றொன்றை கும்பிடாமல் போனால்
கோபித்துக்கொள்ளுமோ என்று
பயமாக வேறு இருக்கிறது

காதைக்கிழிக்கும் விசில் சத்தம்
ஆட்டம் போட வைக்கும் மேளதாளம்
கூடவரும் இளைஞர்களின் குத்தாட்டம்
யாரோ இறந்தவரின்
இறுதிஊர்வலம் என்றெண்ணி 
அருகில் சென்று பார்த்தால்
அடடா என்ன ஆச்சர்யம்
அது கடலில் கரைக்க எடுத்துச்செல்லும்
பிள்ளையாரின் இறுதிஊர்வலம்

திருத்து