தமிழர் திருநாள்

இனிய தமிழர் திருநாள் வாழ்த்துகள்

உழைப்பின் பெருமை சொல்லும்
உன்னதத் திருநாள்

உழவர்கள் உவகை கொள்ளும்
உற்சாகத் திருநாள்

அனைவரும் கொண்டாடும்
அறுவடைத் திருநாள்

இயற்கையைப் போற்றுகின்ற
இனிய திருநாள்

கால்நடைகளுக்கு நன்றி சொல்லும்
கனிவான திருநாள்

புத்தம்புது பானையிலே
மஞ்சள் கொத்துக்கட்டி
புத்தரிசி புதுவெல்லமிட்டு
பால் பொங்கி வருகையிலே
பொங்கலோ பொங்கலென்று
மனம் மகிழ்ச்சியினால் பொங்கும் நாள்

சமைத்த பொங்கலையும்
வெட்டிவைத்த கரும்பினையும்
உற்றார் உறவினர்க்கும்
அன்பு நண்பர்க்கும் அளித்து
உளம் மகிழும் நன்னாள்

உலகத் தமிழரெல்லாம்
ஒற்றுமையாய் ஒன்றுகூடி
கொண்டாடும் ஒருநாள்
இந்த தமிழர் திருநாள்

அனைவருக்கும் இனிய தமிழர் திருநாள் வாழ்த்துகள்