கவிதைகள்

நீண்ட நேரம்
வரிசையில் நின்று
எனது முறை வந்ததும்
பதிவதற்காக கார்டை நீட்டினால்
சர்க்கரை தீர்ந்துவிட்டது என்கிறார்கள்
ரேஷன் கடையில்

ஏதோ ஒரு பொய்யைச்சொல்லி
ஆபீசுக்கு லீவு போட்டு
வீட்டில் உட்கார்ந்து
கிரிக்கெட் பார்த்தால்
கடைசியில்
இந்தியா தோற்றுவிடுகிறது

பேருந்துக்காக 
நீண்ட நேரம் காத்திருக்கும்போது
செல்ல வேண்டிய திசைக்கு
எதிர் திசையிலேயே
வரிசையாக சென்று கொண்டிருக்கின்றன
பேருந்துகள்

குடை எடுத்துச் செல்லாமல்
நன்றாக மழையில்
நனைந்துவிட்டோமே என்று
அடுத்த நாள் குடை எடுத்துச் சென்றால்
அன்று மழையே பெய்வதில்லை