கவிதைகள்

எல்லோருமே 
வாடிவிடுவதில்லை
வாடிய பயிரைக்
கண்டபோதெல்லாம்

அப்பாவிடம் 
செலவுக்குப் பணம் வாங்கும்
இளைஞர்கள் தான்
தயங்காமல் பிச்சை போடுகிறார்கள்

ஏனென்றால்
அவர்களுக்குத்தான் தெரிந்திருக்கிறது
மற்றவர்களிடமிருந்து
காசு கிடைப்பது
எவ்வளவு கடினமானதென்பது

போடும் பதிவிற்கு
நாலு பேராவது
லைக் போடுகிறார்கள்
யாராவது ஒருவர்
ரசிகர் மன்றம்
ஆரம்பிக்க மாட்டாரா என்ற
பேராசையில் இருக்கிறேன் நான்

முகநூலில்
இருநூறு பேரை
நண்பர்களாகச்
சேர்த்த எனக்கு
இன்னும்
பக்கத்து வீட்டுக்காரரை மட்டும்
நண்பராக்கத் தெரியவில்லை