துளிப்பாக்கள்

கண்டுகொள்வதே இல்லை என்ற
ஆதங்கத்தோடும்
கண்டுகொள்ள மாட்டார்களா என்ற
எதிர்பார்ப்போடும்
கண்டுகொள்பவர்களை கண்டுகொள்ளாத
அலட்சியத்தோடும்
கடந்து போகிறேன் நான்

மேலே ஏறு, மேலே ஏறு
முன்னே போ, முன்னே போ என்ற
நம்பிக்கை வார்த்தைகளை
சொல்லிக்கொண்டே வருகிறார் நடத்துனர்
நாள்தோறும் பேருந்தில்

குழந்தைகளின் கைப்பிடித்து
நெடுஞ்சாலை கடந்துவிட்டால்
எதையோ சாதித்ததுபோல்
எண்ணம் வருகிறது

கூடவே இருந்த நண்பர்களைத்
தொலைத்துவிட்டு
முகநூலில் தேடுகிறேன்
புதிய நட்புகளை

திருத்து